Azərbaycan Respublikası Tələbə Qəbulu üzrə Dövlət Komissiyasının rəhbəri texnika elmləri namizədi Məleykə Mehdi qızı Abbaszadədir. O, M.Lomonosov adına Moskva Dövlət Universitetinin 1970-ci ildə əsası qoyulan "Hesablama riyaziyyatı və Kibernetika" fakultəsinin ilk buraxılışının mə'zunudur. Ali məktəbi bitirdikdən sonra elmi-tədqiqat işlərini SSRİ EA Hesablama Mərkəzində və Azərbaycan EA-nın Kibernetika İnstitutunda aparmışdır. Azərbaycana qayıtdıqdan sonra Respublikada "İstedad" Assosiasiyasının yaradıcılarından və testologiya elminin əsasını qoyanlardan biridir. Elmi fəaliyyəti sistemli təhlil, əməliyyətların tədqiqi, kompüter məlumat texnologiyaların təhsildə tətbiqi sahələrinə aiddir.


Azərbaycan Respublikası Tələbə Qəbulu üzrə Dövlət Komissiyasının vəzifələrinin bir qismi aşağıdakılardır:

Azərbaycan Respublikası Tələbə Qəbulu üzrə Dövlət Komissiyası (TQDK) Azərbaycan Respublikası Prezidentinin 1992-ci il 21 iyul tarixli 74 saylı fərmanı ilə yaradılmış və tələbə seçilməsinə və yerləşdirilməsinə rəhbərlik edən dövlət idarəetmə orqanıdır.

Azərbaycan Respublikasında dövlət siyasətinə uyğun olaraq tələbə qəbulunun mərkəzləşmiş şəkildə keçirilməsi, ali və orta ixtisas məktəblərinə tələbə qəbulu qaydalarının yaradılması və imtahanlarının keçirilməsi, bu məqsədlə təşkilati işlərin, kompüter texnologiyasının və elmi-metodiki layihələndirmə işlərinin hazırlanması və həyata keçirilməsi;

qəbul imtahanlarının nəticələrinə görə ali və orta ixtisas təhsilinin inkişafı haqqında sistemli analiz və proqnozlaşdırma əsasında təkliflərin hazırlanması;

mütəxəssislər üzrə ehtiyacların araşdırılması, təhsilin strukturunun və ixtisas nomenklaturasının dəyişdirilməsi və təkmilləşdirilməsi haqqında təkliflərin hazırlanması;

test sistemi əsasında dövlət tərəfindən həvalə olunmuş digər attestasiya tədbirlərinin keçirilməsi.
Azərbaycan Respublikası Tələbə Qəbulu üzrə Dövlət Komissiyası dövlət idarəetmə orqanlarının bir hissəsi olmaqla təhsil sistemində xüsusi yer tutur, öz fəaliyyətində müstəqildir və Azərbaycan Respublikasının Prezidentinə tabedir.

Tələbə Qəbulu üzrə Dövlət Komissiyasının qəbul etdiyi qərarları idarəçilik aparatı həyata keçirir. İdarəçilik aparatı dörd idarədən təşkil edilmişdir:

1. Kompüter Əməliyyatları idarəsi
2. Sorğu-Suallar idarəsi
3. Təşkilat idarəsi
4. İşlər idarəsi

Abituriyentlərin qəbul imtahanlarına hazırlaş-masına kömək məqsədilə TQDK-nın nəzdində "Abituriyent" jurnalı dərc edilir və "Abituriyent" hazırlıq kursları fəaliyyət göstərir.

URL:http://www.tqdk.gov.az