Fəvvarələr bağçası-meydanı

XIX əsrdə şəhərin mərkəzində Parapet adını almış bağçanın əsası qoyuldu. Onu həmçinin “Barsız bağ” adlandırırdılar. Bu bağça öz adına tamamilə uyğun idi, burada kiçik koldan belə əsər-əlamət yox idi. Yalnız bir yarımdağılmış bir hovuz var idi, o da suyla yox, zibillə dolu idi. 1905-1907-ci illərdə burada tez-tez fəhlələrin mitinqləri və yığıncaqları keçirilirdi, onlar çar mütləqyyətini damğalayır, despotizmin qaçılmaz məhvini qabaqcadan xəbər verir, zəhmətkeçləri öz hüquqları uğrunda mübarizəyə çağırırdılar.
1920-ci ildə Barsız bağın adı dəyişdirilərək Karl Marks adlı bağ oldu.
Bağçanın yenidən qurulması üzrə ilkin işlər 50-ci illərdə həyata kecirildi ki, nəticədə geniş, yaxşıca yaşıllanmış meydan – bağçaya çevrilərək Nəşriyyat Evi və kitabxana binasının yanındakı o qədərdə böyük olmayan köhnə bağçalara qovuşdu.
Bu bağça Dövlət Filarmoniyası yanındakı parkdan başlayan, sonra isə Sabir və Nizami adına bağçalarla davam edən yaşıl zonanın bir növ davamıdır.
1984-cü ildə bağın yenidən qurulması sahasində yeni mərhələ həyata keçirildi.
Yaşıllıqların tərkibi təzələndi. Bağçanın ayrılmaz hissəsini fəvvarələr təşkil edir. Məhz fəvvarələrin çoxluğundan o, fəvvarələr meydanı adlanmağa başladı.