Fizuli bulvarı

1969-ci ildə Azərbaycan Dövlət Layihə İnstitutunda Basin və Dimitrov küçələrinin (indiki Fizuli və Bədəlbəyli, memarlar F.Hüseynov, N.Nağıyev) yenidən qurulması layihəsi işlənib hazırlandı ki, bu da köhməlmiş 1-2 mərtəbəli binaların sökülməsi və C.Cabbarlı meydanından Fizuli meydanınadək bütün ərazində köhnə məhəllələrin yerində abadi bulvarın yaradılması zərurətini doğurdu. Bununla belə, bu layihə tam həyata keçirilməyib. Azadlıq və S.Mehmandarov prospektlərinin kəsiyində amortizasiyaya uğramış və dəyari azalmış tikilinin sökülməsi və onun yerində fəvvarə və yaşıllıqdan ibarət bulvarın salınması ilə Fizuli bulvarının hələ bir hissəsində yenidənqurma işləri həyata keçirilmişdir.
Bağça (memar F.Rüstəmbəyov) bir-biriylə fəvvarəli hovuzlar, gəzinti xiyabanları və mənzərəli yaşıl ağaclarla qərq olmuş istirahət güşələrindən ibarət sistemi özündə birləşdirir.