Bakıya iki tipli hava kütlələri daxil olur: tropik hava kütlələri və orta Asiya kütlələri.
Tropik hava kütlələri respublikamızın ərazisinə cənubdan, əsasən yayda daxil olur. İsti və quru hava şəraitinin yaranmasına səbəb olur. İlin soyuq dövründə temperaturu yüksəldir.
Orta Asiya hava kütlələri (Asiya maksimumu) Xəzər dənizindən keçərək Azərbaycan ərazisinə daxil olur. Bununla əlaqədar ilin isti dövründə havanın temperaturu artır, soyuq dövrlərdə isə azalır. Əsasən, sərq və cənub-şərq küləkləri üstünlüktəşkil edir, yağıntılar ancaq qışda düşür.
Abşeron yarımadasında və dəniz sahillərində hakim külək xalq arasında “xəzri” adlanan şimal, şimal qərb və şimal-şərq küləyidir. Onun sür`əti bə`zən 35-40 m/san-yə çatır ki, bu da xalq təsərrüfatına ciddi zərər vurur. İsti yay günlərində əsən xəzri küləyi havanın temperaturunu aşağı salır, sərinlik gətirir.
Respublikamızın ərazisinə cənub-şərqdən və cənubdan daxil olan “gilavar” qış ayların-da havanın mülayimləşməsinə, yayda isə istiliyin daha da artmasına səbəb olur.Xəzri və gilavar küləkləri Bakı şəhərinin çirkli havasının təmizlənməsində mühüm rol oynayır.
Xəzər dənizinin sahillərində sahil küləkləri (gecə və gündüz brizləri) əmələ gəlir.